Ngā Rongoā Māori

health and wellbeing

Ngapuhi nui Tonu

Karakia

E te Atua Kaha Rawa Ora Tonu te Kaihanga o nga mea katoa mai ite Rangi ki te Whenua tae atu ki nga mea kei raro I te whenua puta atu ki te Takutai Moana tae Rawa atu ki te Papa Moana.

Kua ngakau tahi nei matou au pononga e Ihowa ki te tuohu atu kia koe aki mua ano hoku ki tou aroaro ki te tuku whakawhetai whakahonore whakamoemiti atu kia koe mo nga manaakitanga maha me nga Taonga tapu tua tukuna iho nei e koe kia matou.

Uhia iho ki runga kia matou tou Wairua Tapu paiheretia mai ra matou ki tou Rangimarie me tou Arohanoa. Homai kia matou te huarahi te kaha me te pono ki te mahi I nga mahi e tika ana kia koe a ki au ture katoa kia whai kororia ai koe I a matou mahi katoa.

Ko koe ano hoki ra te timatanga me te otinga o nga mea katoa mai I te orokohanganga rano o te Ao tae noa mai ki tenei ra. Manakitia mai to iwi e tiaki nei I nga Rongoa I oatitia e koe ki o matou Matua Tupuna.

E Te Atua Kaha Rawa kua rongo mai nei ra koe I te matou aue a to matou tangi atu ano hoki kia koe. mau ano hoki ra e whakamana mai enei Inoi katoa I runga ano hoki I te ingoa kaha I te ingoa Taou o tau Tama o to matou Kaiwhakaora o Ihu Karaiti.

Tuturu kia whakamaua kia TIna - Tina hui e ka Taaiki E

Mauri Ora

Whakatauki

Te Whare o Ngapuhi, Tamaki Makaurau ki te Rerenga Wairua. Ko nga paatu ko Ngati Whatua, Te Rarawa, Te Aupouri, Ngati Kahu, Ngapuhi ki roto. Ko nga Rarangi Maunga nga Poutokamanawa I hikia te Tahuhu o Te Whare o Ngapuhi

Rongoa Māori Standards for Ngapuhi Nui Tonu

The following are concepts and concerns identified by Maori from around the country during our consultation meetings at both local and national level.

These were further refined as a result of extensive input received from Kaumatua / Kuia, while addressing the relationship between traditional systems and traditional cultural practices within our Maori communities. This provides a useful and comprehensive framework for future discussions. It should be the basis for the agenda at other regional meetings focusing on the development of effective, realistic and representative “Cultural indicators” for rongoa Security Policies and Programs impacting Maori people.

He pai tenei wahanga hei whakatakoto I nga tikanga hei putakemo te kokiri etahi korero,  kia mau he matauranga mo nga rongoaahakoa e pa ana ki te putaiao e kore raneiengari kia pakaha rawa atu ki a Papatuanuku.

Kua tutuki noa atu ki te iwi Maori, ma te whakahaere tonu i nga tikanga mahi rongoa ka pumau he oranga tinana, hinengaro me te wairua mo te tangata. Ma tenei ka kitea te kaha o te iwi, ki te whakamomori, kia u hoki ki nga matauranga e pa ana ki nga ahua whakato purapura kai, me te hauhake i nga hua, nga rakau rongoa hoki.

He tino whanui nga ahua rongoa kua hanga e ratou o waho a, e tino rereke ana ki a tatou kaupapa mahi rongoa. Ko tetahi tikanga pea ma tatou kia noho rawa tatou ki te whakatinana, ki te wananga I o tatou whakaaro ki te whakakahore , kia kaua rawa nga akoranga a Tauiwi e tukua kia mau ki roto I a tatou te Ao Maori.

E mohiotia ana, e kore rawa nga roopu o waho e aro mai kia korero tahi mo nga tumanako, nga hiahia o te Iwi Maori, kia whakahaeretia ano e nga Maori mo nga Maori. Ko to ratou ake hiahia kia riro ma ratou e whakahaere ta tatou kaupapa, ahakoa hore ano he hua kia puta. Ko te kaupapa tika, kia riro ma tatou ano tatou e arahi I roto I nga ahuatanga katoa hei painga mo tatou ano.

Ko te nuinga o etahi o tatou te Maori, e ki ana, kia whiwhi putea rawa ano, me etahi atu taonga, ka taea tuturu te manaaki i nga whakahaere i nga mahi e pa kaha ana ki nga ahuatanga o te putaiao, ki a papatuanuku mo a tatou rongoa. E i nga korero ma te putea ka tere te waka, engari ko te tirohanga, he nui atu tenei kaupapa i te putea. Me whakaroopu tatou ki te komiri i o tatou  whakaaro, a tatou tikanga, kia rongohia te wairua o tenei kaupapa